خطوات لشعر صحى من طبيب جلديه

حبيت بس انى افيدكوا بشويه خطوات بسيطه بس صدقونى هتفرق مع شعركوا كتير لانها نصائح من دكتورة جلديه

اولا عنايتك بشعرك مش بس فى الخلطات اللى انتى بتعمليها فى خطوات كتير قبل كده زى ايه

اول خطوة التنظيف الشعر علشان يستفيد باى وصفه او خلطه او زيت ........ الخ لازم يكون نظيف وده بيحصل بالشامبو علشان كده الشامبو اللى بنستخدمه لازم يكون له بعض المواصفات اللى ناخد بالنا منها يعنى وخلوا بالكوا كويس لالالالالالالازم يكون شامبو وبس مش شامبو وبلسم مع بعض لان الشامبو والبلسم مع بعض بينشف الشعر وبيضره جدا وفى انواع كتير فى الصيدليات شامبو بس بس انا انصحك بنوع حلو اوى خفيف جدا على الشعر وملوش اى اثار وهو شامبو بيبى جونسون ايوة هو شامبو للاطفال بس اللى وصفتهولى دكتورة لانه خفيف ومفهوش مواد ضارة ومش هتحسى خالص بعدها ان شعرك ناشف وخلى بالك كتر غسل الشعر بيضرة كتير الميه الكتير مضرة عليه يفضل انك تغسليه مرتين فى الاسبوع بس

تانى خطوة وهو البلسم وصدقينى اى نوع بلسم هيفى بالغرض ومتستخسريش فى شعرك بلسم لان البلسم مفيد جدا للشعر وطبعا تسيبيه على شعرك شويه حلوين وتشطفيه كويس جدا

تالت خطوة وهى الترطيب وصدقونى مفيش احسن ولا افضل من حمامات الزيوت والكريم تعمليها مرتين فى الاسبوع يعنى كل مرة تغسلى فيها شعرك وتسيبيها على شعرك حوالى 3 ساعات وبعدين تشطفيها بالمااء الدافى بس من غير شامبو وانا هقولكوا على وصفه حمام زيت حلوة اوى عن تجربه وعن حمام كريم بردو

اولالالالالا حمام الزيت مكوناته :

زيت ثوم

زيت لوز

زيت خروع

زيت زيتون

اخلطيهم بكميات متساويه وصدقونى تحفه لان زيت الثوم فيه مضادات حيويه بيخلصك من القشرة وكمان مفيد جدا لفروة الراس وصحتها وباقى الزيوت طبعا غنيه بالفيتامينات وخصوصا فيتامبن e

وطبعا للى مش عارف طريقه حمام الزيت هى

تاخدى كميه مناسبه من الزيت وتدفيه على النار وبعدين تدعكى بيه شعرك كويس جدا وتلفيه بالبونيه البلاستيك او كيس بلاستيك نضيف وتسيبه حوالى 3 ساعات وتشطفيه بالماء بس

اما للى بيفضلوا حمام الكريم فانا انصحهم بحمام كريم بوناويل حلو اوى اوى وصدقونى نصيحة دكتورة

وبعدين نيجى لاخر حاجة واهم حاجة وهى التغذيه السليمه وطبعا التغذيه دى بتكون داخليه اكتر وطبعا بتتلخص فى كثرة اكل الخضروات والفاكهه وشرب الماء واللبن اللبن مفيد جدا للشعر والبشرة والجسم كله وطبعا ممكن الفيتامينات يعنى تاخدوا اى مكمل غذائى بجانب اكلكوا وطبعا فى انواع كتير جدا للشعر والبشرة ولو مكمل غذائى عادى للجسم كله اهم شى يكون فيه حديد وزنك وفيامين e لان الحديد مهم جدا ونقص الحديد اخطر شى على الشعر لانه بيسبب سقوطه لانه بيمنع من وصول الاكسجين للشعر

وفى حاجة اخيرة كنت عاوزة اقولكوا عليها والله كل اللى بقولكوا عليه مش من عندى كله نصايح من دكتورة قربتى المهم اهم شى وهى حذرتنى منه جدا لف الشعر قالت ان لف الشعر ده اكتر حاجة بتضطر الشعر وبتسبب سقوطه والله قالت انه بيدمر الشعر لاننا بنلف الشعر عكس اتجاهه وده غلط عليه جدا وبيجهد الشعر اوى لدرجة انها قالتلى ان الاستشوار ارحم من اللف تخيلوا بقى اضرار اللف اد ايه

وبالنسبه لاى دهان للشعر هى نصحتنى بالكريمات مش الزيوت الزيوت حمامات بس علشان لازم تتغسل لانها لو اتسابت على الشعر بتعمل طبقه عليه بتمنعه انه يتنفس وده غلط جدا لكن الكريمات بترطبه وتغذيه وفى نفس الوقت خفيفه وحاولوا تستخدموا الكريمات اللى فيها فيتامين e

وان شاء الله مع الخطوات البسيطه دى مش هتحتاجوا للف شعركوا هيبقى طرى وناعم من غير لف